53% ki nongshim khaw rashon ba pynïasoh Aadhaar, ai por haduh ka 30tarik Jylliew

Shillong:U Myntri ba khmih ïa ka tnat Food & Civil Supplies ka Jylla, Bah Comingone Ymbon u la pyntip ba haduh mynta tang 53 percent ki nongshim khaw rashon ba pynïasoh Aadhaar hapoh ka Jylla, bad ha kajuh ka por u la pyntip ruh ba ka Sorkar India ka la buh por haduh ka 30 tarik Jylliew ïa ki paidbah ka Jylla ban pynïasoh Aadhaar ïa ka card rashon ban bteng ka jingïoh jingmyntoi.

U Myntri u la kyntu ïa ki paidbah ba kin shim khia ïa kane ka lad ban pynïasoh Aadhaar khnang ba kan ym ktah ïa ki hadien habud.
Katkum ka jingïathuh u Bah Ymbon ki nongshong shnong kiba ïoh jingmyntoi na ka skhim rashon ka NFSA ki don kumba 21 lak 45 hajar 105 ngut, bad kiba la pynïasoh Aadhaar ki don kumba 11 lak 42 hajra 992 ngut.