Wan pyndem 2 ngut ki GNLA

Shillong, 4’lyngkot:
2 ngut ki dkhot ba snar ka GNLA ki la wna ban pyndem mynta ka sngi ha ki pulit ka jylla, kitei ki arngut ki dei kiba la tip kyrteng kum u Jimbo T Sangma uba la ju khot sin kum u Rabon katba uwei pat u dei u Krailing K Sangma uba dei ruh u ba ju don lang ha kti ha kjat jong u Commander katei ka seng u Rakban D Shira. Kitei baroh ar ngut ki la wan ban pyn dem ha ki pulit ka Resubelpara, North Garo Hills.
U Rabon u dei u ba la shah kynnoh ba u dei uwei na ki dkhot ka GNLA uba donkti ha ka ban rahbor bad pyniap ia uwei u pulit ka jylla u Kamraj Bhattarai, u pulit uba la shah rahbor ha ka 6 tarik u naiwieng, 2015 hynrei la lap pat ia ka metiap jong u na kawei ka khlaw hadien shibnai ba la rahbor ia u .
Kitei ar ngut ki dkhot ka GNLA ki la iathuh ha ki pulit ba ka daw ka jingwan pyndem jong ki ka dei namarba kim sngew lah shan shuh ia ka jingkhynra lehnoh ki pulit ha North Garo Hills na ka por sha ka por bad kumjuh ruh ba kim sngew lah shan shuh ia ka jingshah pynrem ha ki paidbah kiba la kwah noh dik dik ba ka Garo hills kan shong suk shong shngaiñ noh.