Bthei ka Helikopter pyllait im ha Uttarkhand, iap 19 ngut

NewDelhi,25 Jylliew:
Ka Mi-17 V5 Heli koptar jong ka Indian Air Force kaba dang leit ban pyllait im ia ki lanot ba la hap ha ka jingshlei um ha Uttarakhand ka la bthei kynsan ha suin ha ki jaka kiba don ha ka thain Uttarkhand mynta ka sngi ha kaba 5 ngut ki shipai suin ki la duh ei ia la ka jong ka jingim katba 14ngut pat dei ki riew paidbah.
” Ka Helikoptar kaba la bthei ka dei kaba dang pynlong ia ka jingpyllait im kaba naduh Gauchar sha Guptkashi bad Kedarnath bad ka bthei noh katba ka dang thmu ban phai dien, ka jingtohkit ia katei ka jingja ka dang iaid shakhmat , Watla ka jia kumtei hynrei ka jingiaid ban pyllait im ia ki lanot kan dang iai bteng” ong uwei u heh shipai Air Force.
Ka tnad shipai suin ka la iathuh ba ka jingleit pyllait im ia ki lanot kiba la hap ha ka jingshlei um ha Uttarkhand ka dei ka sien kaba nyngkong eh ia ki Helikoptar ba kin iaid bun bun kynta ha suin. U Chief Air Marshal ka Air Force u N A K Browne u la ong ia baroh kito ki bahaing ha sem jong ki lanot ba kim dei ban duh jingkyrmen namar ka tnad shipai suin haduh mynta kan ai ka jingshakri ba bha tam eh ban wad haduh ban da lap bad kan ym shongthait na katei ka jingthwet ban pyllait im.
Ka jingiap briew ha ka jingjia shlei um ka la kot sha ka 822 ngut bad 142 tylli ki met iap dang shu ioh ban sei biang ba kynthup ia 127 ngut hapoh Kedarnath.