Takrain u MLA ka Nongthymmai ia rukom treikam ka MeCEL

Shillong,
18 Rymphang:
U MLA ka Nong thymmai u Bah Jemino Mawthoh u la takrain ia ka sorkar halor ka jing pynlip bording kaba ktah jur ia ka rukom treikam jong ki paidbah khamtam ha kane ka por ba don eksam.
Ka sorkar ka la iathuh khana sarong ba kan pynmih bun ka bording hynrei ka jingshisha kam long kum ka ktien.
“Ka long kaba sngew sih kthang ba ka bording ka lip jur ha kane ka por ba ki samla pule ki don hapdeng ka jingpynkhreh ia ka eksamin”, la ong u MLA ka Nongthymmai.
Ha ka jingshisha, ka sorkar ka la kam ba ka pynbeit thymmai ia ka rukom pynlip bording hynrei kane kam urlong satia da ka kam, bad ka heh tang ka ktien suda.
“Bun bah ki dong ha ka thain Nongthymmai kim ioh bording bha watla la pynbna ba la pynduna ia ka por jong ka jingpynlip bording”, la ong u Bah Mawthoh bad bynrap, kiba bun ki paidbah ki la ujor ia ka jinglip bording ba khah khah. Kum u nongialam paidbah, nga la ioh pdiang ia ka jingujor na ki paidbah ym tang na kiba dei na ka jaka jong nga hynrei kiba dei nabar ruh”.
U MLA ka Nongthymmai u la buh jingkylli ia ka rai jong ka sorkar ban pynkylla ia ki riew shimet ia ka MeECL ha kaba ki paidbah kin hap ban kynduh jingeh ban kit ia ka jingkhia.
“Nga kwah ban tip ia ka jinglong jong ki projek bording kiba la aiti sha ki riew shimet ne ki kompeni” u la ong.
U Bah Mawthoh u la ong ba ka dei na ka jingbym ler pyniaid ba ka la pynlong ia kane ka jingeh ha ka jingsam bording.
“La iathuh ia nga ba ka MeECL ka la sah ram haduh T. 650 klur ha ka NEEPCO,” la ong u MLA ka Nongthymmai.