|
Khana babteng
U Bah Malki u la mutdur kumne marwei marwei . Ki arngut Ki la pynthut thiah pynthut dem ia u. U ksaid sha ka diang ka diang ka mon ka mon haduh ban da shai ka bneng phlait.
Ha kata ka sngi u Bah Malki u la sngew babe khait shaphang kata ka ba la jia ia u tang namar ki Thei kiba u shu iakynduh ha lynti. Baroh shi sngi u la shoh samthiah ngoi ngoi ha jingtrei.
Hynrei watla katta ruh u ialeh hi ban pynkmen ia lade ha ka kam ka ba u trei. Janmiet ynda la wai trei u la mih nangta ban leit phai noh sha iing. Katba u dang iaid ha lynti marwei marwei kumno re u shu iohi kynsan liak ia ka briew kaba kum ka Lanosha hangta u ieng khek.
U pynshat bha la ka khmat sha ba don kata ka briew. Ynda u la peit shain la ki khmat u iohi shisha ba ka dei. Marsien tikna ba ka dei u la kyndeh mynsiem kduk kduk la kum uba kyndit ia kaei re kaei. Kumta u leit ban pynphai la ki kjat sha jaka ba ka don ka Lanosha
“Lano phi wan na ei…?” U la kylli
Ka Lanosha ruh kum ba iuh tdong bsein ka kyndit ban iohi ia u Bah Malki.
“Are I Bah phi la wan trei…” Ka ruh ka phai ktien
“Hooid kein nga la mut ban leit beit sha iing hynrei nga iohi noh iaphi…” La phai ktien u Bah Malki
“O kumta mo…Nga ruh nga dang Shu wan shiphang hi…” La ong ka Lanosha
“Lano phi la dep kam…” La kylli biang u Bah Malki
“Nga la dep hi…. ” La phai ktien ka Lano
“Te haba la dep kumta…. Long ngin ia dihsha teng noh….” La ong u Bah Malki
“Balei ym long….ia…” La phai ktien ka Lano
Kumta u Bah Malki u la ialam na khmat na khmat ban rung ha kawei ka Restaurant. Ki la ia rung hangta tang ar ngut hi.
“Phin bam da ei Lano…” La kylli u Bah Malki
“Katba phi ai ngan ban beit…” La phai ktien ka Lano
Kumta katba dang peit ia ka Menu ba la buh ha jaka shong u Bah Malki u la kdew
“Ngin bam da u Momo mo..ne da u chow …” U peit de sha ka Lano ba kan jubab
“To u Momo ruh biang hi…” La ai ktien ka Lano
“To katba ia bang lang… Nga ruh nga biang hi da u Momo…”la ban ktien u Bah Malki
Kumta ruh ki ia pan noh da u Momo
Katba dang ia bam hangta ki ia thuh khana artat shaphang kane ka tai haduh ban da poi shaphang ka jingiaid lynti ka jingim.
Baroh arngut Ki la ia pur khana shaphang ka thong jong ka jingim. [yn dang bteng]
|