4tarik yn kyrsiew thiah ka KSU

Shillong,25 Lber:
Ka Khasi Student’s Union Sengkmie sa shisien biang kan pynlong ia ka jingkyrsiew thiah ne ka Khasi National Awakening Day ka ban long ha ka 4 tarik u bnai ban wan, ka kyrwoh na u General Secretary ka seng u samla Auguster Jyrwa ka la khot la wer ia ki paidbah ka Bri u Hynniewtrep ban ia poi lang ha katei ka sngi ha ka jaka kaba ka KSU kan sa pynbna shen, ha katei ka sngi u GS u la ong ba la pynkhreh ia ki prokram bad ka jingiaiaid paidbah.
Ha kaba ia dei pat bad ki 13 seng u GS ka KSU u la ong ba ki 13 seng ki la dep phah ka jingthoh sha ka sorkar ban khot ia kren noh halor ka ILP, hynrei mynta la ar taiew ka sorkar kam pat khot ia kren, na ka liang ki 13 seng ki la kyntu ba ka sorkar ka dei ban khot ia kren noh ym ban pynslem ia katei kam.