Lada khyllem u CEM KHADC uba 40,  dei ka jingleh sting ka Ministry of Home Affairs (MHA) ba kylla EC man ka hynnriew bnai

Ka 10th Schedule ka long ka kyndon Ain kaba nyngkong ka Ain hapoh Constititution Ri India, kaba batai halor ka kam kyntiap seng ba la wanrah da ka jingpynbeit thymmai lyngba ka jingpynbeit kaba sanphew ar (52^nd Amendment)  ba la wanrah ha u snem 1985 ka por jong u Rajiv Gandhi.

Katei ka Ain ha u snem 1985 ka ong ba la shah ban kyntiap seng lada  “one-third” na ki nongmihkhmat jong kano kano ka party (Seng) ki rai ban phet Seng bad ia katei ka jingphet seng yn shim ba ka long kum ka jingleit long dkhot  ‘merger’.

Hynrei, namar ka jingjur ka jingphet seng ka Sorkar India sa shisien lyngba la jingpynbeit thymmai kaba khyndai phewei (the  91st Constitutional Amendment Act, 2003)  ka la pynbeit thymmai ha kaba la pynkylla ha kaba mynta  nalor kiwei kiwei ki kyndon baroh kiba phet seng/lane mih iing ki hap ban ieh Kam(resign) kum ki nongmihkhmat bad ban ialeh election biang na ka Seng thymmai kaba ki la leit rung.

Kaba sngewsih ka long ba ha kitei ki jingpynbeit thymmai baroh ar sien kata ha u snem 1985 bad 2003 ki nongthaw Ain hapoh Parliament kim shym kynmaw ban pynjari lang ia katei ka Ain ha baroh ki District Council lane ki jaka Sixth Schedule,  namar lehse ki la mutdur ba ki riewlum ki dang bat ia ka shi kyntien ban burom ia la ka nongrim bad kim shym la donkam ia katei ka ain kyntiap seng, hynrei katei kam shym long shuh bad mynta la i donkam ban wanrah kloi ia katei ka Ain ha ki district council.

Lano kan kut kane ka film ia knieh shuki tang ka MHA bad ka  Parliament ki lah ban pynbeit ia kane ka kam kaba la pynkulmar teng ia baroh kawei ka India.

Khublei

Bah John F Kharshiing,

Chairman, Ka Dorbar Ki Khlieh Nongsynshar ka Ri Hynniewtrep,