Jied ka Congress ia ka Sonia Gandhi, kum ka nongialam jong ki MP ha Parliament

Ka Sonia Gandhi, ka la shah jied mynta ka sngi, kum ka nongialam jong ka kynhun ki MP bad katei ka dei ha ka jing ia kynduh kaba la long mynta ka sngi. La tyrwa ia ka kyrteng jong ka Sonia Gandhi, da U Manmohan Singh, myntri rangbah duh barim ojng ka Ri.

Mynta lyngba ka jingshah jied jong ka Sonia kum ka nongialam lane ka chairperson, kumta ka lad ka plie ia ka ban jied ia u nongialam ha ka dorbar Lok Sabbha, wat la kam pat shai, la ka Sonia kan jied ia U Rahul lane ia uwei pat u dkhot ha ka iing dorbar Lok Sabbha.

Ka Congress, ka duna lai ngut ki dkhot ha ka dorbar Lok Sabbha, na ka bynta ban ioh ia u nongialam jong ka liang pyrshah, ha kaba ha u snem 2014 katei ka seng ka jop tang 44ngut ki dkhot, katba mynta ka jop 52ngut.

Ha ka dorbar ba ladep, la ialam ia ka Congress ha Lok Sabbha, da U  Mallikarjun Kharge, hynrei ha kane ka sien kaba mynta U  Kharge, ula rem noh ha ka elekshon ha Gulbarga ha  Karnataka bad kaba dei ka jingshah rem, kaba nyngkong eh ia utei u dkhot, uba la jop la 9 sien kynthih kum U MLA bad nangta ar sien kynthih kum u dkhot sha Lok Sabbha.