Shah tynrah u nongdie dud, iap ha shen

Shillong, 27 Naitung:
Mynta ka sngi uwei u khynnah die dud u Sunil Kumar Rai u ba dang 16 snem ka rta u ba shong ba sah ha Meter Factory u la shah tyngah ha kawei ka kali hajan ophis jong ka Lumjingshai MEeCl ha ka por 8 baje mynstep ha ka ba u la iap ha shen. Katei ka kali ka la jynrat ia utei u khynnah ha ka jingjngai ka ba haduh 20 meter.
Ki pulit kila thwet ia katei ka kali bad ha ka por 12 baje nohsngi la pyrshang ban bat ia katei ka kali bolero hajan Civil Hospital hynrei ka la lait phet bad kham hadien la ioh ban bat ha State Central Library.
La kem ia u nongniah katei ka kali u Norbet Malngiang u ba na Mawlai Umjaiur lem bad ka kali bolero ka ba lieh ka number ML 05 J 9953.