Shillong: U Deputy Commisioner ka East Jaintia Hills District u la pyntip ba ka jing ai jingbit jong ka sorkar Meghalaya ia ka Cyber Cafes kin treikam lane ki lah ban plie noh naduh ka 20 tarik Nailur 2020, da ka bud ryntih ruh ia ka Standard Operating Procedure ( SOP) ka ba la pynmih da ka tnat Information Technology and Communication Department.
Ka jing pynmih ia ka Standard Operating Procedure na ka bynta ban pyn trei kam ia ka Cyber Cafes ha East Jaintia Hills District ha kaba baroh kine ki Cyber Cafes ba la register ha u DC ki lah ban treikam tang ha ka sngi bad ka por ba la buh da u Deputy Commissioner.
Kumta ki trai lane ki nong pyniaid jong ka Cyber Cafes ki lah ban kynduh ia ki Nongpyniaid Shnong, ki Doloi na ka bynta ka jingtip ba kham bniah ia ka sngi bad ka por ban shah plie ia ka Cyber Cafes. La kyntu ruh ia ki trai bad ki nong pyniaid ba ki dei ban khmih bha bad pyntreikam ia ki kyndon ba la buh da ka sorkar.
Phi don ban ong eiei?