Ki hynniew tylli ki shnong khappud jong ka Assam, kiba don ha ka thain Palashbari jong ka Kamrup district, ki la kren bitar ia ka seng BJP, namar ba kam ai satia ia kano kano ka lad pynroi sha katei ka thain bad mynta, ki dawa ba kin pyn iasoh noh ia kitei ki shnong bad ka Meghalaya, ong ka khubor jong ka North East Now.
Kitei ki shnong, ki kynthup ia ka Gorubondha, Besimari, Dewanbeel, Borgorang, Bangeliila, Kotrabari bad ka Shantibeel bad kitei ki kwah ban pyn iasoh noh ialade bad ka West Khasi Hills district jong ka Meghalaya.
Ha ka sngi saitjain, kitei ki shnong, ki la pynlong ia ka jing ia mih paidbah ban pyrshah halor ka jing bym don surok, bym don um, ym don ilektrik bad ka jing duna ki skul bad kiwei.
Kitei ki la pynrem ruh ia U MLA jong ka Palashbari, U Pranab Kalita, namar ba um shym leh eiei satia ia katei ka thain.
Phi don ban ong eiei?