Shillong:La mudui ha Meghalaya High Court, da U Ma Shaniahlang Suchen, pyrshah ia ka sorkar Meghalaya, ha kaba ia dei bad ka jingthmu ban pynlong ia ka jingsngap paidbah, ha ka 21tarik Naiwieng 2020 ha ophis U Deputy Commissioner, ha Khliehriat, kaba dei halor ka jingthmu ban nang pynheh ia ka par tih mawshun kaba 42.051 Ha. ha Brishyrnot, East Jaintia Hills District, Meghalaya da ka Star Cement Meghalaya Limited.
Katei ka kam, ka la leit ha ka jingbihar jong U Justice W. Diengdoh, mynta ka sngi bad U Ma Shanialang Suchen, u pynpaw ia ka jingsngew pyrshah, halor ka jingthmu ban khot tang shispah ngut ki briew, ha katei ka jingsngap paidbah bad u dawa ia ka kashari ban pynsangeh shi syndon.
U Amit Kumar, Advocate General (AG), ka sorkr Meghalaya, u iathuh ia ka kashari, ba ka la don ka jingthmu ban pynlong ia katei ka jingsngap paidbah, ha ka 19tarik Risaw 2020, ha ka 30tarik Kyllalyngkot 2020, hynrei ym shym la lah ban pynlong, namar ba ka don ka jing ia tur than u paidbhur ha katei ka jaka jingialang.
U Amit Kumar, u ong ruh ba utei u nong mudui, u dei ban poi ha katei ka jaka jingsngap paidbah bad ba un buh ia ka jing ujor pyrshah jongu, ha katei hi ka jaka jong ka jing pynsngap paidbah bad la iathuh ruh ba lada ki nongleit sngap paidbah, ki palat ia ka shispah ngut ha katei ka sngi, yn ailad shuh shuh ia kiwei ba kin shim bynta hadien ka jingia lang kaba nyngkong, ha kajuh hi ka sngi bad ha kajuh hi ka jaka, kaba mut ba ka jingsngap paidbah, kan long beit shi spah ngut ha kawei ka sien shong.
Ka kashari, hadien ba ka la sngap bha ia ka jing batai na baroh ki liang, ka la kyntait noh ia katei ka jing mudui, namar ba kam don jing shisha haei haei ruh.
Phi don ban ong eiei?