New Delhi: Ki nongrep kiba wan na Punjab, ki la rung mynta ha Haryana, ha ka lynti jongki ban leit sha Delhi, ban dawa ba ka sorkar India, kan weng noh ia ka ain kaba long pyrshah nongrep lane ka Farm Bill.
Ki pulit ki la siat da ka lyer pynsat khmat bad kynshait da ka um, ia kitei ki nongrep kiba dang iaid shakhmat bad ha lynti, la iathuh ba ki la don ar tylli ki kali kiba la shah lynthaw ha kitei ki nong iakhih, kiba iaid ha ka surok bah Jind Patiala.
Ki nongrep, ki don ha ka jingleit sha Delhi, haba ki leit da ki tractor. Ki pulit ka Delhi, ki la pynkhlain bha ka jing pahara ha khappud, ha kaba ki la pynap ruh da u shyiap ha surok, na ka bynta ba kin nym lait satia, kitei ki tractor ban iaid lyngba.
Phi don ban ong eiei?