Shillong: Ki paidbah ka thain Maweit mynta ki la mad sa kawei ka jingeh jingjynjar hapoh ka thain namar ka jingbym biang ka network ha ka thain khamtam ha ka kam iap kam im bad ki khynnah pule kiba leh online klass lei lei ki la ud khlem sahngeh ha kane ka por lock down.
Kane ka pyni ba ka company jio ka shim kabu haduh katta katta tang ban kjit ia ka spah ki paidbah ka thain baroh kawei, namar kam ai ia ka jingshakri kaba paka ia ka thain ong shuh ka kyrwoh na ka seng.
Ha ka thain Maweit baroh kawei ki shaniah tang u jio network haduh mynta bad ngim don kiwei pat ki Tower ha ka thain kumta lada ka jio network kam don ki la shu bat mobile khlem network bad ki paidbah ki la shem jynjar lut ha baroh ki liang.
Kumta na ka liang ka seng hadien ka jingud jingnam kiba bun ki paidbah ha ka thain namar ka jingjah khah khah bad ka jingbym biang u jio network ka kyntu ia ki nongpyniaid ka tower jio network ban shim khia mardor.
Phi don ban ong eiei?