Nongstoiñ: Ki pulit ka Nongstoiñ Police Station, mynta ka sngi ka 8 tarik u Nailur kila ïoh ban kem noh ia u wei u briew halor ka jingkynnoh ba u la leh beijot ia la ki jong ki ar ngut kiba dang hapoh ka 14 snem ka rta ha kawei na ki shnong ha West Khasi Hills District.
Ki tyllong khubor na ki pulit ki ong ba katkum ka jingujor bala ïoh pdiang na kiba ha ïing ha sem jong kitei ki khynnah la ong ba u tei u briew u ba dei ruh u kpa u la leh ia katei ka kam pap kam sang lah bunsien bunwat.
Shuh shuh la ong ruh ba ka kmie jong kitei ki khynnah lem bad u kñi ki tip halor katei ka jngjia hynrei ki shu sngap beit man man, khlem kano kano ka jingsngewsynei bad khlem ka jingujor pyrshah ia utei u kpa u bala leh ia katei ka kam sang iala ki jong ki khun.
Hynrei ha ka 3 tarik mynta u bnai katei ka jingjia kala paw pyrthei noh hadien ba kitei ar khun ki khynnah kim lah shah shuh ia kaei kaba la jia ia ki bad kila leit ruh ban iathuh noh ha ka kur ka jait ha kaba na ka liang jong ka kur ka jait jong kitei ki khynnah kala ujor ia katei ka jingjia ha thanad Nongstoiñ.
Ki pulit hadien ba ki la kem ia u kpa jong kitei ki khynnah, ki la tohkit ruh ia ka kmie bad u kñi jong kitei ki khynnah bad ka jingtohkit na ka liang jong ki pulit ka dang iaid shakhmat.
Phi don ban ong eiei?