Shillong:Ka Khasi Students’ Union War Jaintia hapoh ka jing ialam jong u President Samla Laitphar Syngkrem, General Secretary Samla Lur man B Talang bad Finance Secretary Samla Kindly Khyriem, ha ka 19 tarik mynta u bnai ka la leit iakynduh ia u Chief Engineer Civil Work, MeECL ha Lumjingshai ban iakren halor ka jingkhot tender ka MeECL ia ka Supply and services for the Up – gradation and Maintenance hapoh Leshka.
Ha katei ka jingleit, ka seng, ka dawa ba ym dei ban ai tang ha kawei ka party, hynrei dei ban leh da ka open tender ka ban iarap ia ki briew jong ka thain ba kin ioh trei namar ha kum kine ki por ba duna kam duna jam. Ka Seng ha kane ka jingiakren ka la pynsngew bad dawa ha khmat une u Sahep ba dei ban khot beit da ka open tender bad ka pyrshah ruh ban ioh tang kawei ka company khamtam ki company kiba nabar.
Kum kine ki jingtrei ne project kiba da ki phew klur kin ioh ki company ba nabar kin wanrah ruh ia ki nongtrei kiba nabar kiba ap jingma ia ka thain baroh kawei. Ki don bun ki local contractor, kiba bit ban trei ia kane ka kam bad naduh ba sdang ka jingtrei hapoh Leshka bun ki briew lajong, ki ioh kam ioh jam bha. Na ka liang u Chief Engineer ula ong ba ka National Tender ha ka jingshisha ka la kut, hynrei ki la pynjlan ia ka haduh ka 26tarik Risaw 2020 bad hadien nangta kin sa lah ban leh da ka open tender.
Phi don ban ong eiei?