Shillong: Ki don 87ngut ki riew rangbah Bengali, kiba kynthup ia U BB Dutta, MP ba rim, U Jayanta Bhushan Bhattacharjee Vice Chancellor barim ka Assam University, U Manas Choudhury myntri ba rim ka sorkar Jylla, ki la thoh sha U Conrad Sangma, myntri rangbah ka Jylla, ha kaba ki kwah ban pynbeit ia ka jing ia pher jingmut hapdeng ki trai shnong ka jylla bad ki jaitbynriew Bengali, kiba don ha ka jylla.
Ki don ruh shibun kiwei pat kiba la soi kyrteng lang, ha katei ka jingthoh sha u myntri rangbah ka Jylla.
Katei ka jingthoh, ka pynpaw ia ka jingsngew kyndit halor ka jing kynnoh ba ki Bengali ha ka jylla, ki dei ki Bangladeshi.
La ong shuh shuh ba ha shwa ba ki British, kin wan, ki Bengali na Shillong, ki la don ka jing iatrei lang ha ka khaii pateng bad ki Bengali ha Sylhet, Mymensing bad kiwei de ki jaka.
La ong shuh shuh ba mynta ki Bengali, ki la nang duna breiw shibun bad la iathuh ba mynta, ki la duna shibun ha kine ki 40 snem ba ladep.
Phi don ban ong eiei?