Colombo: Ki paidbah jong ka balang katholik ki dang bteng ia ka jingleh niam jongki ha la iing, namar ki tieng ioh don biang ka jingshah pynbhtei bom.
U Cardinal Malcom Ranjith bad U Archbishop jong ka Colombo, hynnin ka sngi, ki la pynlong iaka mass na la iing ba ki sah ryngkat ka jingiadon lang bad ki siitser, ki phadar bad ki sa shu pyni ha TV sha ki paidbah.
Ha kapor ba sdang jongka mass u Bishop ula tyrwa ia ka mass da kaba ong ba ka jingduwai kan ym dei tang ia kito kiba la iap ne mynsaw, ki badei jongka balang katholik,hynrei kan dei ia baroh wat ia kito kiba la donkti ban pynbthei bom ruh, namar ba ki ruh ki shu shah ialam bakla bad khamtam na ka bynta ka jingkylla bamut ka jongki, ha kaba ula ong ruh namar ka balang katholik ka ai jingngeit bad hikai ban ieid wat ia kiba leh sniew ia ki.
Haba la wai ka mass ula pule iaka shithi ba la phah da u Pope ba la ong ‘da ka dohnud ba khia nga pynpaw halor ka jingshah thombor hynrei to u Blei un ai ia baroh ia ka jingjah thait ha ka met bad mysiem jongki khamtam iakito kiba la khlad’.
Hadien kata naka liang jong u Cardinal Ranjith ula phah jingtip sha ki nongialam jongka balang ban lomg kiba husiar, hadien ba ula ioh shithi byrngem, ba kan don ka jingthombor biang ia ki iingmane bad ki skul jongka balang ha kane ka taiew ban wanbad hadien katei ka shithi ka la paw ha ki kor internet (social media) bad ula ong na ka bynta ka jingbha jongki paid baroh ka balang ka la rai ban khang beit shuwa ia ki skul, iingmane ka balang katholik hi baroh kawei;katba ia ki skul sorkar la rai ban plie noh naduh ka 6 tarik jymmang. Ki pulit ki la ong ba kin sa pynlong shuwa ia ka jingkhynra iaki skul baroh ha ka sngi u blei.U Ranjith la pynrem ruh iaka sorkar Sri Lanka namar ba kim lah ban leh eiei wat hadien ba ki la ioh jingmaham lupa na ka syntiat jongka ri India shuwa ka jingjia.
Phi don ban ong eiei?