Shillong:U MDC ka UDP na Sohra u bah Titosstarwell Chyne ula ong ba ka jingmut dur jong ki paidbah ka bun hynrei kim long kumta bad hap ban pdiang ïa ka jingshisha.
Haba kren mynta ka sngi hadien ba la dep bam smai kum u MDC, u bah Titos ula ong ba ha ka politik ym ju don u dak sangeh ne full stop hynrei don tang u koma bad ym lah ban tip kaei kaban jia lashai.
U la ong ba ka UDP kaba don 5 ngut ki MDC ka ïatylli beit mlon katba kiwei kila thaw ia la ka jong ka kynhun bad ïa mynta ym pat lah ban ong eiei hynrei yn sa ïa peit ha kine ki sngi.
Ïa ka kam nongïalam liangpyrshah u la ong ba yn sa ïakren hadien ba la dep jied ïa u chairman bad u CEM.
Kawei kaba ula pynpaw ba ka don kawei ka Bill ka Inheritance Property Bill kaba sahteng hapoh ka ïing dorbar jong ka samoi kaba la dep, bad yn sa ïakren ïa kane ka mat kaba kongsan ha kane ka dorbar.
Na kine ki 29 ngut, tang u Bah Titosstarwell Chyne uba bam smai da ka ktien Khasi.
Phi don ban ong eiei?