Shillong:Ka jylla Meghalaya ka la dei kawei ka jylla, ha kaba ka khaïi syiar ka la kiew sted ha kane ka juk ba mynta, ka lah ruh ban pyndap ia ka jingdonkam ki briew ka ba donkam man ka sngi.
Na ka liang u Rupang la ioh ban ia kren bad u Bah William Diengdoh, uba dei ruh uwei uba ju trei ia ka kam ri syiar hapoh Meghalaya bad u dkhot jong ka Meghalaya Poultry Farmers Welfare Association.
U Bah William, u iathuh ba ha ka shitaiew ka jylla Meghalaya ka lah ban pynmih haduh 1 lak lane 1lak sanphew hajar tylli ki syiar bad ha ka shisngi ki briew kiba thied ia ka doh syiar ka lah ban kot da ki hajar ngut.
Ka jingkhaïi ne kaba pynmih syiar hapoh Meghalaya kaba kham bun ka dei na poh Ribhoi, ka Jaintia bad Ka West Khasi Hills ruh ka la sdang pynmih ha kine ki khyndiat snem.
La tip kyllum ba ki don kumba 800 lane 1000 ngut kiba ri syiar tang hapoh kane ka jylla Meghalaya, kiba ri syiar ba kin khaïi kawei ka longïing ka lah ban ri kumba 1000 tylli ki syiar.
Ka jing wanrah ia ki syiar na ka jylla Assam ka long kawei kaba ktah ruh ia ki nongri syiar ka jylla, namar ki nongri syiar ki lah ban pyndap ia ka jylla baroh kawei. Kawei ka daw ka long lada wanrah ia ki syiar napoh Assam ka doh syiar ka kham pher bad ka dor ruh ka kham tad, hynrei ka doh syiar kaba na poh Meghalaya ka long kaba kham eh ka doh bad ki ba koit ba khiah.
La iathuh ruh “Lada ia ka ïing ka lah ban shna tang ha ka shitaiew kan eh aiu ban ri shibun ki syiar”. La ong ruh ba lada ka jing khaïi syiar na bar jylla ka duna, kumta ki nong Meghalaya ki la lah ban kamai da ka ba ri ia ki syiar jongki.
Ha kine ki sngi la don ruh ki kynhun ba la tip kyrteng kum ki SHG, kine ruh ki ioh jingmyntoi shuh shuh lada ka jing khaïi syiar kam wan shuh na bar jylla.
Phi don ban ong eiei?