Ki nongialam ka All Khasi Meghalaya Tourist Taxi Association (AKMTTA) ki la iathuh ba tang ha Nongbah Shillong ki don haduh 10 tylli ki agency kiba aiwai Scooty bad bike bad 2 tylli ki agency kiba aiwai ia ki kali sha ki nongjngohkai pyrthei bad kine ki dei kiba don ha Keating Road, Jhalupara bad Laitumkhrah.
Lah ban kdew hangne ba dangshen ka tnad transport ka sorkar Jylla ka la pynmih ia ka notification ban ym shah ban aiwai ia ki ar shaka bad ki kali sha ki riewshimet, dangshen ki nongialam ka AKMTTA ki la ioh ban kem ia ki nongpyniaid beaiñ ia ki ar shaka bad ki kali na ki thaiñ ka khyndailad.
Haba kren sha ki ladpathai khubor, u President ka Iatylli Tourist Owner and Driver Assiociation u u ba dei ka dkhot ka AKMTTA u bah bah Amor Kurbah u la ong, ba ka jingkynra hi ka Assiociation ia ki nongpyniaid ki agency , ba aiwai ia ki ar shaka bad ki kali sha ki nongwanjngohkai pyrthei ka long namar ban tem ia kano kano ka jingjia kaba sniew , kumba la sakhi dang shen halor ka jingjia ia u nongjngohkai pyrthei na Indore .
“Ka Association ki la ioh ban kynra ia ki nong aiwai ia ki ki scooty bad kali shimet na Khyndailad , sha ki nongjngohkai pyrthei, ka jingshim khia ka association ka dei namar ba kim kwah kano kano ba sniew kan jia kaba sniew “u la ong .
U la bynrap “nalor kane ngi la iohi ruh ia ka jingshimkhia ka Sorkar , da kaba pynmih ia ki notification sha ki nongaiwai bad ki nongpyndonkam scooty , ban khnang ban ym wanrah ia ka jingbym shongsuk shongshngain, kaba ktah ia ka dong ka thain”
U la ong ha kaba iadei bad ka jingdon ki agency bad ki app ki ba lah ban aiwai ia ki kali sha ki briew , ki don ki ba trei na ka jylla Meghalaya bad ki don pat ki ba lah ban pyniaid ia kine ka kam na shabar ka jylla.
“Kumba ka long mynta hi, ki ba kham sniew ia kine ka long halor ka jingiohlad ki briew ban pt iaid ia kane ka kam na shabar ka jylla , kaba long ba ki leh benami ia kane ka kam lyngba ki app” u la bynrap.
U bah Kurbah u la ong ba ka jingiohlad ki briew ban leh kam benami, na shabar ka jylla ka dei ka wei kaba lah ban buh jingma bha ia ka jylla namar ba ki trai Jylla, kim don jingtip eiei halor kine ki kali.
U bah Balajied Jyrwat u la ong ba na ka liang ka Association, hi ka la shim ia ka rai ba kan ym shah lada ki ioh ban iakynduh hangno hangno ia kum kine ki kali .
“Kat kum ka jinglap ka Association hi ki don haduh 10 tylli ki agency kiba ai wai tang ia ki Scooty bad ki bike kat ba 2 tylli ki agency ki dei ki ba aiwai ia ki kali shimet , bad ki ba bun ki dei na Keating Road, Jhalupara bad Laitumkhrah” u la ong.
Phi don ban ong eiei?