Shillong:Namar ba kan lah ban don kano kano ka jingshim kabu jong ki riew pyntriem, ki dkhot jong ki seng lehnoh ban rung sha ki jaka jong ka East Khasi hills District bad kumta ka District Magistrate, jong ka East Khasi hills District, ka pynjari da ka 163 BNSS, ha kaba la pyntreikam da ka korphiw naduh ka por 8baje mynmiet, haduh ka por 6baje mynstep, ha ka jingjngai kaba 1 Kilometre na suin, na u thum jong ka India bad ka Bangladesh.
Kumta la khang ban iaid ban ieng, lane ban jam na shiliang sha shiliang jong kawei pat ka ri bad ka jingialum lang jong ki briew kiba palat 5ngut ha kajuh ka jaka bad kiba rah kum ki dieng, ki nar lane ki maw bad kiba kit ia ki mar ban khaii tuh, kum kiba khaii masi, khaii kwai, khaii sikret bad kiwei de ki mar bad la iathuh ba katei ka hukum kan treikam, na ka bynta ar bnai kynthih, naduh ba pynmih mynta ka sngi, ia katei ka hukum.
Ha kawei pat ka liang, U Deputy Commissioner, ka West Jaintia hills District, u pynjari ia ka korphiw, kaba naduh 8baje mynmiet, haduh ka por 6baje mynstep, ha ka jingjngai kaba 200 metre na u mawpud jong ka India bad ka Bangladesh. La pyntip ba katei ka hukum kan treikam, naduh mynta ka sngi bad haduh ban da pynbeit da kumwei pat. Ha katei ka kyndon, la khang ban iaid ban ieng bad ban jam na kawei ka ri sha kawei pat, ban ialum palat 5ngut ha kajuh ka jaka bad ban rah dieng, ki nar lane ki maw bad la khang ban khaii masi, khaii kwai, sikret bad kiwei de ki mar ki mata.
Phi don ban ong eiei?