Shillong,4 Naitung: Ka heh ophisar jong ka tnad Veterinary Nongpoh mynta ka sngi ki la mih shakhmat ban pynshai sha ki paidbah halor ka wei ka khubor kaba la mih hakine ki sngi halor ka jing kynthoh ba u doctor ba dei peit ka ka Veterinary Dispensary Byrnihat um shim la pyndep iaka kamram kaba la bynshet ha u , haka ba la mih ka jing kynthoh ba u doctor ba don hakane ka jaka um ju check ne khmih bniah iaki syiar ha shuwa ban rung sha ka jylla Meghalaya,hynrei u la shu soi donbor beit iaka Certificate jong ka koit ka khiah haka ba ia dei bad ki syiar ki ba rung sha ka jylla.
Haba ia dei bad kane naka liang jong ka District Veterinary Officer ka Kong R. Kharbuli mynta ka sngi ka la pynshai paidbah ba kam don kum kita ki jing leh khein sting kum ba la mih haka wei na ki lad pathaikhubor , da kaba kynthoh ba u Dr. Aiban Fancon u ba dei ruh u ba peit ba khmih iaka Dispensary Byrnihat ym ju peit bniah iaki syiar halor ka koit ka khiah ha shuwa ban shalan iaki syiar sha Meghalaya ,bad ruh sa kawei ka la mih ka jing kynnoh ba u Dr. Aiban Fancon u la shu soi hi marwei haka health certificate kiba ki nongkit syiar ki wanrah naka jaka ba ki thied.
Shuh shuh naka liang jong ka DVO ka Kong R.Kharbuli ka la pynshai ba u doctor ba don ha Byrnihat um shim la shim rai marwei ban soi iakano kano ka kot , hynrei u shu bud beit Kat kum ka SOP kaba la bynshat ha u lymba ka Tnad Veterinary ba ki kali ba wanrah iaki syiar dei ban check bad peit bniah iaka koit ka khiah jong ki bad lada u ibit u lah ban soi haka health certificate kaba wanrah da ki nong shalan syiar naki wei pat ki jylla.
Shuh shuh naka liang jong ka DVO ka la pynpaw ruh ka jing sngewsih ban mih kum kine ki jing shah kynnoh khlem nongrim bad khlem da tip iaka jingshisha hynrei ki shu kloi ban shuh Thad bad pynjah burom iaki doctor ne ki nongtrei ki ba pyndep hok iala ka kamram kum ba la bynshet haki.
Phi don ban ong eiei?