Shisnem u hap shong phatok, tang naba u peit tuh ha ka por ba ka sum

Shillong: Ka Iingbishar jong ka Special Judge (POCSO) ka North Garo Hills District ka la pynrem ia u Mikseng B Marak u ba na Daram Tekalang da kaba set phatok shisnem namar ba u la peit tuh ia kawei ka khynnah kynthei katba ka dang leit sum.

Kane ka jingjia ka dei kaba la jia ha ka 26 tarik u Nohprah 2019, ha ka por kumba 4 baje janmiet, ha kaba la kynnoh ba u la peit tuh ia katei ka kynthei katba ka dang leit sum. Ia u Mikseng la pynngat hapoh ka kyndon aiñ 354C ka Indian Penal Code

Ka rai jong ka ïingbishar ka la pynmih ia ka hukum ha ka 13 tarik Jylliew 2025 bad ka la pynngat ïa u Mikseng ha ka jingshah set phatok shi snem bad dain kuna T.1,000. Ia kane ka jingtohkit la pynlong da ka WPSI Bailine Sangma, Sub-Inspector, ha kaba ka la aiti ia ka chargesheet pyrshah ia une u nongshah kynnoh ryngkat ki sakhi sabut kiba khlaiñ.Ka jingbishar ka la pynskhem ia ka jinglap ba donkti jong u nongshah kynnoh.