Ka Mehbooba Mufti, myntri rangbah barim jong ka Jammu and Kashmir, ka ai jingmut ia ka India, ba kan iakren ha kane ka kynti bad U Imran Khan, myntri rangbahduh ka Pakistan bad ka la ong, ba lada iakren mynta, khlem pep, kan don ka jing myntoi ia baroh ar tylli ki Ri.
Haba kren ha ka jingialang ha Delhi, Ka Mufti, ka ong ba ka India, ka la ioh nong shi katdei ha ka por jong U Pervez Musharraf, President ba rim ka Pakistan, ha kaba ka la sdang ka jing sangeh ia siat bad nangta ba la plie ruh ia ka lynti iaid jong ka surok Muzaffarabad. Ka Mufti, ka kren shai ruh ba ka seng PDF, kan ia trei lang bad kano kano ka seng, kaba kwah ban wan rah ia ka jing ia sngewthuh jingmut halor ki jingeh kiba don ha Jammu and Kashmir.
Ka Mufti, ka ong shuh shuh ba ka don ka jingiapher kaba khraw hapdeng U Atal Bihari Vajpayee myntri rangbahduh barim bad U Narendra Modi bad ka ong “U Vajpayee, u dei uba don ia ka jing kitkhlieh, u bym ju phai dien bad u dei u nongialam uba khaw, hynrei ha kane ka kynti kaba mynta ki pyrkhat tang ban jop ilekshon” bad ka ong shuh “Iarap Ah Blei, ba haduh mynta kim shym pat la ai vote toi ia ka masi ruh”.