Shillong:Ka St. Edmund’s College ka la ïasoi ka jingïateh soskular bad ka Numaligarh Refinery Limited (NRL) ha ka 10 tarik u ‘Nailur, 2021 ban wad bniah kumno ban pynkhuid ïa ka umphniang kaba sah khyrdong bad kaba tuid ha ki jaka buh phniang. Ïa kane ka jingwad bniah yn leh da ka Biotechnology Department bad ka Chemistry Department da ka jingïatrei lang jong ki nonghikai bad ki samla kiba yn thung na ka bynta kane ka projek. La soi na ka liang jong ka College da u Br. Raj Mario Noronha bad na ka liang ka Numaligarh Refinery da u Ghanashyam Hazarika.
U Dr. Sylvanus Lamare, uba long u Principal ka College bad u Independent Director jong ka NRL u la ïadon lang ryngkat bad u Chiranjeev Sharma, u Company Secretary, NRL, u Dr. Br. Simon Coelho, Prof. Monotosh Chakravarty, ka Dr. B. W. Nongbri bad katto katne ki nonghikai.
Ka St. Edmund’s College ka dei kaba lai kaba la ïasoi soskular ha ka jingwad bniah bad ka NRL bad la ai por 3 snem ban pyndep ïa ka projek.
Phi don ban ong eiei?