AIS SUJA
Ka jingbymhun ka long ka jinglong jong u briew, namar u briew u kwah bunjait ki rukom jingkwah. Kadei ka jinglong briew barabor ban long uba dap ba biang haki liang baroh, bad ka long ruh kaba donkam ha ka jingim kaba ha ka met. Ban biang ha kane ka jingim kaba ha ka doh, u briew u donkam ia ka spah, namar khlem maka ympoi shano shano ruh bad baroh ki jingkwah kim lah urlong.
U briew um ju hun judap satia, ki jingdonkam ki dawa lajan man ka sngi na kata kadaw ka Economics ka ong- Human wants unlimited, lane human wants never satisfied, namar kat nang ioh katta nang kwah. U Briew u thied ka bicycle hynrei ka dawa pat ia u ban thied da ka scooter ne bike, hangta ruh ympat biang, ka dawa ia u ban ioh car syndon bad kumta ter ter. Kane ka rukom kwah kamdon jinghun satia kat nang ioh katta nang kwah. Balei? Namar kamdon ka jingbymhun (never satisfied). Kumta ban long riewspah baroh u briew u kwah bad u ia beh ia kata. Don pat kiba tharai ba da ka jingleh riewblei ha khmat ki briew ka long ka lad ba myntoi ne ban riewspah kloi da kaba leh riew bha ne riew blei ha khmat ki para briew.
Hynrei ka ktien u Blei pat ka ong – Ba kata ka jingriewblei lem bad ka jingsngewhun ka long ka jingmyntoi bakhraw. 1 Timothy 6:5-6. Hynrei lada kata ka rukom riewblei ka long kaba bym don jinghun. Te kam don jingmyntoi eiei ruh em. Lada u briew um don jinghun wat ha kata kaba u don mynta, te un ymlah shem jinghun da leilei ruh namar um nang ban sngewnguh ia u Blei ha kaei kaba u don mynta. Dei nakata ka daw kein ba ka ktien u Blei ka ong ba dei ban don ka jingsngewhun, namar ba ngim shym wan rah eiei sha kane ka pyrthei bad ngim lah hi ruh ban kit noh eiei nangne na pyrthei.1 timothy 6:7. U Job u ong – Nga wan lyngkhuid nga leit lyngkhuid . Lyngkhuid nga la mih na ka kpoh ka kmie jong nga, bad lyngkhuid ngan phai pat. Job 1:21.
Kamut ba ngi wan shane ka pyrthei thylli ngim rah eiei, ngi heh ngi san ha kane ka pyrthei ngi trei ngi ktah ngi bam ngi dih khnang ban im, hynrei hapdeng kane ngi donkam ban kamai ia ka hok ka hima ki bneng ban im ka jingim kaba sngewhun ha ka mon ka jingpyniaid jong u Blei, ym da kaba kwah lalot palat pud, ymda kaba ia beh haduh katta katta ia ka spah kane ka pyrthei. Hynrei dei ban don ka jingsngewhun ka mynsiem haba ioh jingbam bad jingkup, dei na kata ngin sngewhun. Namar ka mynsiem ka jingbymhun ka pynjot thiaw ia ka jingim briew.
Hynrei kita kiba eh ban riewspah, ki hap sha ka jingpynshoi bad jingriam bad sha ki bun ki jingkwah brai ki ba biej bad ki jingpynsniew kiba pynjyllop ia ki briew sha ka jingjot bad jingkordit. Namar u thied ki kynja ba sniew baroh dei kaba ieit sbai (love of money): ia kiba don kiba haba ki ia beh eh, la ialam bakla ia ki na ka jingngeit bad la dung ia ki hi da kiba bunjait ki jingsngewsih. 1 Timothy 6:9-10.
Kumta kaba beh spah palat bunsien ka ialam ia u briew sha ki jingsngewsih ba bunjait. Nakata kadaw donkam ka jinghun bad jingsngewhun mynsiem ha kaei kaei kaba don. Namar kata ha kita kiba sngewthuh ia ka ktien u Blei; ka ktien u Blei ka kren –“Ah u briew u jong u Blei, to phet iap noh noh na kine kiei kiei ruh; bad to beh brai ia ka hok ia ka jingriewblei, ia ka jingngeit ia ka jingieit, iaka jingiaishah, ia ka jingjemnud. Timothy 6:11. Namar ba u thied ki kynja basniew baroh, long kata kaba ieit sbai. 1 timothy 6:10. To sngewhun bad kaei baphi don, be satisfied with what you have. Amen.
Phi don ban ong eiei?