Ka jing thombor ia ki Khristan, ka jia ha kylleng ka Ri, ong u Saleng

Shillong:U MP ka Tura u Saleng A Sangma ula ong ba ka jingshah thombor ki Khristan ka jia man ka por ha kylleng ka ri. Ha jylla Manipur lei haduh mynta ka jingshah thombor ka dang iai bteng.

Haba kren mynta ka sngi, u Saleng ula ong ba bun bah ki iingmane kila shah pynpra shah thang ha jylla Manipur ha kine ki sngi. Bad tang naduh u Kyllalyngkot haduh Lber mynta u snem, ki don haduh 196 ngut ki Khristan kiba shah thombor ha jylla Manipur.
“Ngam kwah ban kren ha India, bun bah ki iingmane ki shah thang tang ha Manipur ruh bad naduh u Kyllalyngkot haduh Lber ki don 160 ngut tam ki Khristan kila shah thombor ha Manipur. Ka BJP ka la pynjot ia ka ri”, la ong u Saleng.

Ha u snem 2024, ki don 800 ngut eiei ki Khristan kiba la shah thombor bad man ka por kila shah thombor bad ula kynnoh ba ka BJP ka la pynjot ia ka ri baroh kawei lyngba ki kam thombor jongka pyrshah ia ki rit paid.