Shillong: Ka kyrwoh lyngba ka ophis treikam ka District Public Relations Officer (DPRO) Ri-Bhoi District Nongpoh, la kdew ba la pynjari korphiw (section 144 Cr. Pc) hapoh Ri-bhoi district kum shi bynta ban khanglad ia ka jing ia lum paidbah hapoh ka district naduh 12 baje mynmiet ka 25 tarik haduh 6 baje mynstep jong 28 tarik lber 2020.
Ia ka korphiw la pynjari kum shi bynta ban khanglad ia ka jing saphriang ka jing pang ‘Corona Virus’ hapoh ka district lem bad ka jylla Meghalaya baroh kawei.
Ka hukum ba mih na DPRO Ri Bhoi District Nongpoh, ka kdew ba ka korphiw kan nym ktah ia ki briew jong ka tnat pulit, ki shipai, kali pynlip dieng, ki doctor ne ba trei hospital, ki ba trei ha bank, ki nongtrei ka PWD, ki nong trei ka Shillong Municipal, ki briew ba leit sam marbam, ki dukan ba die marbam kum ki dukan die khaw, dukan sam cylinder bad ki dukan die dawai.
Phi don ban ong eiei?