Ka Sonam imat ka la klim bad ka la iashong bad U Raj Kushwaha, ong u bah jong u Raja

Indore:U Vipin, uba dei u hynmen jong u Raja Raghuvanshi, u kam ba ki pulit jong ka Meghalaya, ki ioh ia ar tylli ki jingdeng ksiar lane ki mangalsutras, na ka jaka buh tiar jong ka Sonam bad kane ka pyni shai, ba ka Sonam, ka la klim ia U Raja bad ka la ia shong bad U Raj Kushwaha, ha ka por ba ki dang ia phet rieh.
“Ngi ioh khubor ba ki pulit ka Meghalaya, ki lap ia ar tylli ki jingdeng ksiar mangalsutras. Kawei kaba la ai da U Raja, ha ka por ba ka ia poikha, ha ka 11tarik Jymmang bad kawei pat ka lah ban dei kaba la ai da U Kushwaha bad kumta kitei ki lah ban iapoikha ha ka por ba ki don ha ka jingphet rieh” ong U Vipin.

U Vipin, ula kynnoh ruh ba U Govind, kham mynshwa, ula tyrwa ban kyrshan ia ka iing jong U Raja bad ula leit ruh sha iing jongki ban pan map, na bynta ka jingiap jong U Raja, tang na ka daw jong ka para jongu. “Mynta U Govind, u ong pat ha ki kotkhubor, ba u kwah ban iakynduh ia ka Sonam. U lah ban iakynduh ia ka Sonam bad u lah ruh ban buh ia u riewsaid ban iada ia ka. Hynrei lada u kwah ban leh ha kane ka dur, kumno u wan sha iing jongngi, hadien ka jingshah kem ka para jongu bad ban leh arsap ha ka por jong ka jingsngewsih ha iing jongngi?” U Vipin, ula ong biang “Ngi la shah shet kylla ha ka Sonam bad ha ka iing jongka”.