Ka sorkar ka kwah ban iarap ban kyntiew ia ki briew ki ba duna dkhot met

Ha ka ka jingrakhe dap 25 snem ka State Society for the Implementation of Rehabilitation of Person with Disability (SSIRPD) kaba la long ha Soso Tham Auditorium. ka State Resource Centre on Disability Affairs bad Civil Hospital shillong ka la pynlait paidbah ia ka music video Echoes of Unity kaba dei ka jingrwai Anthem ia kiba duna dkhot met.

Ha kane ka jingialang la don ka jingot cake hakhmat ka Auditorium bad ka jingpynidur halor ka jingrwai Anthem kaba lah rwai da ka kynhun Eastern Brook Brand kaba dei ka kynhun kiba don jingduna ha ki dkhot met.

Ha kane ka sngi u bah Paul lyngdoh, Myntri ba dei khmih ia ka tnad Social Welfare u la long kum u kongsan bad u Pravin Bakshi, IAS, Commissioner and Secretary ka tnad  Social Welfare Department kum u symbud kongsan ha ka jingiadonlang u bah L Kynjing, MCS, CEO ka SSIRPD and Commisioner for Person with Disability bad kiwei kiwei.

U bah Paul Lyngdoh haba ai jingkren ha kane ka sngi u la ong, ngim dei ban peitbein ne niewbein ia ki briew kiba don jingduna ha ki dkhot met, ki briew kiba duna dkhot met ki don lut hynrei, ka pyrthei kam iohi kumta, ki briew kiba biang lut hynrei kim lah ban wan rah jingkylla ha ka pyrthei, ki briew kiba lah ban iohi hynrei kim don ka jingiohi jngai, kiba don shkor ki iohsngew hynrei kim sngap.

Shuh shuh u la ong, “kum ka sorkar ngi kwah ban ai mynsiem bad ai jingiarap, ngi kwah ban long kiba iarap ia kiba duna dkhot met, ngi kwah ruh ban long ka jylla kaba lah ban ban iarap ban pyni ia ka sap ka phong jong ki briew kiba duna dkhot met, ba kin lah ban sei la ki sap ki phong sha ka pyrthei.