Shillong 14 Iaiong: U MLA ka Mawryngkneng Konstitwensi u bah Heaving stone Kharpran u la ong, ba lada ka sorkar ka lap ia ki briew ba donkti ban pyniap dusmon ia u samla Ribok ha Guwahati kadei ban pynshitom.
U la ong ruh, ba ka sorkar kadei ban phah tohkit bniah ban lap ia ki runar ba shim ia ka jingim u samla Ribok, namar u la kynnoh, ba ka jingiap u samla Ribok ym dei ba u iap hi, hynrei kadei beit ba u shah pyniap.
U samla Ribok udei na ka shnong Mawryngkneng bad udei u pulit Home Guard and Civil Defence ka Jylla u ba leit training sha Guwahati.
U bah Heaving stone u la iathuh, ba u la dep ban iakynduh bad u SP ha ka ba iadei bad kane ka jingjia, da kaba u la kyrpad ia ka sorkar ba kan phah tohkit kham kloi ban lap ia ki briew ba donkti ban pyniap ia u Ribok.
Ka sorkar kamdei ban shongklikti bad kamdei ban ai kano kano ka jingtip ba bakla, hynrei kadei ban ai beit Katkum kaei ka ba la jia.
Shuh shuh u la ong, ba kum kine ki jingjia kimdei ban ailad ba kan jia barabor khamtam ia ki paradoh parasnam ki ba leit trei shabar.
U bah Heaving stone ula phah ruh ka khubor sngewlem sha ki bahaiing hasem jong une u samla rangbah khamtam ia ka kurim bad ki khun ki kti namar kidon ha ka jingpaid Dohnud, da kaba u ngeit skhem ba u Blei un ai ka jingsuk sha ka iing ka sem, halor kane ka jingjia ka bym lah ban mutdur bad jia ryngkat.
Phi don ban ong eiei?