Katba ka jingpyntrei ia ka surokbah na jingkieng Umshyrpi ter ter shaduh hynniew mer mynta ka dang iaid shait shait.
Ha ka jinghiar u nonglum khubor ban wat jingtip na ki riew paitbah halor ka jingpyntrei iakatei ka surok, la ioh ban iakren ki katto katne ngut ki nongniah kali kamai ba sah ha ki thaiñ hynniew mer ki la pynpaw ki thait ban kamai sha sor namar ba ka jur ka blok bad ruh ba dang iaid ka jingshna ia ka surok bad ka jingkieng Umshyrpi, da wan kamai sha sor tang shi trip kamai ki la da mit baroh shisngi.
Kat kum ka jinglap haba poi ha ka jaka ba dang shna jingkieng fly over kaba don ha Bañiun ka jingpyntrei ka dang iaid bad la dep ban pyndap khyndew na Shilliang ka jingkieng katba na kawei pat ka liang ym pat leh eiei bad ia ka jingkien dang dep tang ban buh ki bim ban tap ia ka jingkieng na jrong.
Haba leit na Shillong ban poi sha katei ka thaiñ, la pyniaid kali shilliang jong ka jingshna namar ba shilliang ka jingpyntrei ka dang iaid mynta.
Ban shu kdew hangne ha u bnai ba la dep kata ha ka 12 -15 tarik jylliew la khang ban iaid kali na surok na Upper Shillong shaduh jingkieng Umshyrpi namar ka jingpyntrei ia ka jingkieng Umshyrpi ka dang iaid bad haduh mynta, ka jingpyntei ia ka jingkieng ka dang iai bteng bad ka la don katto katne ka jingdeng kali.
Phi don ban ong eiei?