Shillong:Ha kane ka snem ba mynta, ka la jingpass bha ki khynnah ha ka matrik ne Secondary School Leaving Certificate (SSLC) ka la wanrah shibun ka jingpyni nia hapdeng ki nonghikai bad ki seng sain pyrthei.
Ka jingpass ki khynnah mynta u snem, ka la kot sha ka 87.10 percent ka bym ju kham jia koit ha ka result matrik ha kine ki phew snem ba la leit bad ka daw kaba la iakren, ka dei na ka jingiarap bad pynsuk ka Chief Minister Impact Guidebook.
Haba twad jingtip na ka Meghalaya Board of School Education (MBoSE), kane ka jingbun kiba pass ha kane ka eksamin matrik, kam da pher than ha Khasi-Jaintia Hills watla ka la kiew ban ianujor bad ki snem ba la leit hynrei kaba bun bad kaba heh bha ka jingdon kiba pass, ka dei na Garo Hills.
Wat u myntri ka tnad pule puthi u Rakkam A Sangma ula iathuh ba mynshem snem ha North Garo Hills, kiba pass ia ka eksamin matrik ki don 31 percent hynrei mynta ka snem ka la kiew sha ka 80 percent, ha South Garo Hills kiba pass mynshem ki don 35 percent hynrei mynta u snem, ki kiew sha ka 85 percent.
Haduh mynta, ki don 449 tylli ki Higher Secondary School kynthup 145 ha Garo Hills, 304 tylli ha Khasi Hills ban pdiang ia ki khynnah kiba pass ia ka matrik. Na kine, 113 tylli ki dei ki skul shimet ha Khasi-Jaintia bad 63 tylli ha Garo Hills.
Dang shen, ka sorkar jylla ka la bthah ia baroh ki bor pyniaid skul ban sangeh shwa shi por ban pdiang klas ia ki samla ba pass matrik haduh ban pynbeit da kumwei pat khnang ban pynthikna ba ki 63 hajar ngut tam kiba pass ia ka matrik kin ym duh klas.
Ki nongialam ki dei ban peit Sani, ba kaei kata ka Guide Book ba pynmih da u CM, kaba la pynlong ban kiew kynsan ki khynnah Garo ban pass matric na ka 31% – 35% mynshyn snem sha ka 80% – 85%.
Kat ba leh ka Sorkar kham myntoi ki Garo. U Khasi-Pnar um nang ban peit tang ba biang shimet. Baroh baroh ki shu pyrta ba ieid jaid bynriew ka kam pat iap ki briew la jong.