Shillong:Ha ka jingleit ia kynduh bad ki nongpyniaid ia ki bos dieng, kiba kamai sha Smit, ki iathuh ba ka jing dawa ka sorkar ban die tiar jot noh ia ki kali ba la rim mynta ka la jar jar bad ki kmen ruh ba ki dang ioh ban kamai khnang ban ioh ban pyndap ia ka ïing ka sem bad ka jingdon jongki.
Ki ong ruh lada die noh tiar jot noh ia ki kali jongki kan wanrah ka jingeh ha kaba khraw ba kin mad namar da ki snem ki la im da kaba kamai ja kpoh na ka kamai kali bad ka iarap ruh ban kit ia ki mar bah mar dih ki jhur ban wan die sha iewduh bad ki mar bam na Shillong sha shnong.
Ki nongniah kali, ki iathuh ruh ba la don kumba 40 tylli ki snem ba ki bus dieng ki la kamai bad ka long ka jingiarap ia u bun balang.
Ki la pynpaw ruh ba ka jingdon kine ki bus dieng ka pynlong ruh ia ka jylla ba kan long ka jing itynnad ha kaba kiba na bar ki peit lyngngoh ia ka jing itynnad ki bus dieng
Ban ong shaphang ka jing die tiar jot kim sngew iahap, namar katba leit ka poi beit sha kino kino ki jaka kam don kata ka ban duh noh shiteng lynti ne ban sniew da ki kynta ban pynduh leit jingleit ia ki nongleit nongwan.
Phi don ban ong eiei?