New Delhi: U Jagdeep Dhankhar, Vice President jong ka India, ula ai jingkyrshan tyngeh, halor ka jingkren jong U Dattatreya Hosabale, General Secretary jong ka seng Rashtriya Swayam Sevak Sangh (RSS) bad U Dhankhar, mynta ka sngi, ula kynthah tyngeh ia ka seng Congress, ba ka pynrung ia ka kynien ‘socialist’ ‘secular’ bad ‘integrity’ ha ka Preamble jong ka riti synshar ri, ha ka por jong ka jingsynshar Emergency bad u kynnoh, ba katei ka dei ka jingkhein dewthala ia ka jingsynshar kaba hok bad kaba thombor ruh ia ka jingsngew mynsiem jong u briew bad kumta, u Dhankhar, u pynsngew ba ka ri, ka donkam ban phai noh sha ka jingthoh kaba nylla jong ka riti synshar ri.
Haba kren ha ka sngi pyllait paidbah ia ka kot, ula pynsngew ba ka preamble, ka dei ka bym lah satia ban pynkylla bad ka dei ruh ka mynsiem jong ka riti synshar ri, ong U Dhankhar.
Ka jingkren jong U Dhankhar, ka dei hadien ba la dep kren, da U Dattatreya Hosabale, uba dei u general Secretary jong ka RSS, ha kaba u kwah ban don ka jingiakren ha rynsan paidbah, la kine ki kyntien kiba kynthup ia ka “socialist” bad “secular” kin dang iai neh ne em bad ula ong ruh ba kine kim dei ki tynrai jong ka jingthoh ha ka preamble, kumba la thoh da U BR Ambedkar, hynrei ki dei kiba la pynrung ha ka por jong ka synshar Emergency (1975–77).
Phi don ban ong eiei?