Shillong:Ka Joint Action Committee (JAC) Ki Khun Ki Hajar ka Hima Sohïong, myn hynnin ka sngi, ki la leit ban iakynduh ïa u Bah Titos Chyne uba dei u CEM ka KHADC ban dawa ban weng noh ïa u Bashemphang Tha bah kum u Lyng doh jong ka Hima kaba la sahteng na duh u snem 2019; hynrei na ka liang ka JAC kam shym la ioh ban iakynduh satia ia u CEM wat hadien ba la dep ban iapynbeit na duh ka sngi nyngkong.
Haba iakren bad ki lad pathai khubor mynta ka sngi, na ka liang u Marchkupar Thabah uba dei u secretary ka JAC, u la iathuh ba ka JAC ka dap da ka mynsiem kaba sngewkhia, hadien ba ka District Council kam shym la shimkhia eiei halor ka jingdawa kaba la buh naduh u snem 2021 ban weng noh ia u Lyngdoh, hadien ba ka JAC ka la lap lyngba ki RTI ia ki jingbakla bad ki kam ba sop sop kaba u la leh.
Na ka liang u bah Purningstar Shabong uba dei u Chairman ka JAC, u la iathuh ba utei u Lyngdoh u la aiti sop sop ïa kawei na ki shnat Hima kaba kyrteng ka Nongwah-Mawtamur kaba hap ha ka jingpeit jong ka Hima Sohïong sha ka Hima Jirang, khlem da ïa tip lang da ka Dorbar Hima bad la lap lyngba ka RTI ba u Bashemphang Thabah u synshar hima khlem ka Riti treikam mynta lah kumba 30 snem eiei, hynrei la shu synshar thurmur haduh ba ka la pymih ïa ka jinghuri hura hapoh ka Hima na man ka por bad u la pynjah klep da ki phew phew lak bad la pynlong jaka kamai spah bad nongkynti ïa ka kam synshar khadar jong ka Hima.
Shuh shuh u Purningstar Shabong u la iathuh ba lada ka KHADC kam shah shkor, ia ki jingdawa ka jong ka, na ka liang ka JAC kan sa ieh ha ka bor jong u paidbah ba kin leh ïa kaba donkam bad ka KHADC ka dei ban shim ïa ka jingkit khlieh halor kane, lada u paidbah u shim ïa kano kano ka rai.
Kum ban shu pynkynmaw ba ha ka 01/12/2021 ka JAC ka la dawa biang na ka KHADC bad la phah da ka jingthoh sha u Bah Titos W. Chyne ban weng noh ïa u Bashemphang Thabah, hapoh ka 10 sngi halor ka jing synshar bad leh beaiñ beriti jong u Bashemphang Thabah, hynrei haduh mynta na ka liang jong ka KHADC ka dang batbor sah ïa u Lyngdoh Sohïong hapoh District Council bad kane ka la pynduh jingshaniah noh ïa ka JAC ki Khun Ki Hajar ka Hima Sohïong.
Phi don ban ong eiei?