Shillong:Ka jingialang jong ka Mawkyrwat Electricity Consumers Forum (MECF), ka la shim ia ka rai ban nym pdiang ia ka kompeni kaba na Odisha lane ka Feedback Energy Distribution Company Limited (FEDCO), ba kan sam bai thang ding sha Mawkyrwat.
Ha ka jingialang paidbah, kaba la long mynta ka sngi ha iew Mawkyrwat, la rai ba ka MeECL, ka dei ban iai pdiang, ha kaba sam bai thang ding sha katei ka thain bad ba kam dei ban aiti noh sha katei ka kompeni.
Hadien katei ka rai, ki la don ki nongialam lem bad ki paidbah, kiba leit ia kynduh ia U Asstt Engineer jong ka MeECL, ha kaba ki la ai ia katei ka rai jong ka jingialang, ha kaba ki la ai kopi ruh sha ki nongpyniaid jong ka kompeni FEDCO.
Ha katei ka jingialang, ki la don ruh ki jingthoh kiba la ia rah paidbah bad kitei ki kynthup kum “FEDCO leit phai suk” bad don sa kiba thoh “MeECL, trei kam shmat, nangne shakhmat”.
Phi don ban ong eiei?