Shillong: U Vice president jong ka All India Nigerian Students and Community Association (AINSCA) u Betrand Tochukwu Ikwuka, myn hynnin ka sngi u la wan ban ia kynduh ia u myntri ba dei ban peit ia ka tnad phatok ha ka jylla u bah Alexander L Hek ban kyrpad ia u ba un tuklar, halor ki Nong Nigeria ki ba shah kem ha ka ne ka jylla Meghalaya.
Ha ba iakren bad ki nongthoh khubor, na ka liang jong u Betrand Tochukwu Ikwuka, u la iathuh ba ka jingiakynduh jong u bad u myntri ka tnad pjatok ka long ban kyrpat na u ba ka sorkar jylla kan phah noh ia ki nong Nigeria kiba la lait na ka jingshah set phatok ha kane ka jylla.
U la iathuh ba kum u nong mih khmat na ka bynta ka Nigeria Embasy, kaba don ha Delhi u la wan ban jurip ia ki nongshong shnong ka Ri Nigeria ki shah set phatok ha Shillong Jail bad ha Jowai jail bad bun na kine ki koidi ki dei ki ba la lait na ki case bad ki ba la long ban leit phai noh sha la ka Ri kat kum ki order ba la ioh na u Magistrate ka East Jaintia Hills District, hynrei ka long ka ba lyngngoh ba haduh mynta na ka liang jong ka external affair jong ka jylla kam shem la ai jingtip eiei sha ka Nigeria Embassy.
U la ong ruh ba dei halor kane na ka liang jong ka Embasy kat kum ka hukum jong ka External affair jong ka Nigeria ki la ioh ia ka tip halor ka jingshah kem jong kine ki nongshong shnong ka Ri Nigeria ban wad jingtip bad ban kynduh ia u Myntri u ba dei peit ia ka tnad phatok u bah Alexander L Hek ha ka ba u la kular ban shim khia ia ka ne ka bynta bad ia baroh ki nongshong shnong na ka Ri Nigeria ki ba shah set phatok ha kane ka jylla ynda ki ladep ban pyndep ia ka jingshah set phatok ha ka jylla kin phah noh ia ki sha ka Ri Nigeria. U la iathuh ba un sa leit ban ia kynduh ia ki ne ki nongshong shnong na Nigeria ki ba shah set phatok ha Shillong Jail bad Jowai jail bad ban tip halor ka koit ka khiah halor ka jinglong jingman jong ki ban pynthikna ba ki don hapdeng ka suk ka sain ha ka ne ka jylla.
U la ong ruh “Ka Ri India bad ka Ri Nigeria ka don hapdeng ka jingiadei ka ba bha bad ngim kwah ba kan sniew kane ka iadei hynrei nga buh ia ka jingkyrpat ba ia kito ki ba la pyndep ia ka jingshah bishar, ki dei ban buh ia ki record bad kat kum ka International Human right kin ym lah ban set phatok sah ia ki haduh 9 bnai wat la ki ladep ban pyndep ia ki case kaba ki la buh ban shah shah set patok 6 bnai lane 7 bnai, hynrei haduh mynta ruh kim pat lah ban pynlait ia ki.”
“Ngim tip kaei ka ba pynlong ia ki ba ki la wan na Bangladesh sha India, hynrei ki la dei ban iaid kat kum ki kyndon haba ki wan rung ha kano kano ka Ri bad haba ki kwah wan ki dei ban ai jingtip ia ki Embassy bad kat kum ka kyndon, hooid ki la wan beain na Bangladesh sha ka Ri India bad ai ba ka ain kan ai ka jingpynsaja halor ka jingpynkhein jong ki ia ka ain jong ka Ri India hynrei ha ba ki la dep ia ka jingpynsaja da ka ba ki la shah set phatok ki khlem pat ioh ban wan phai sha la ka ri.”
U la iathuh ruh ba na ka liang ki nongpyniaid ka jail ki la pynpaw ba ka jingbym pat lah ban phah ia kine ki nong Nigeria sha ka Ri jong ki, ka long na ka daw jong ka khlam Covid -19, hynrei ka Jylla Meghalaya ka la dei ban pyntip ia ka Nigeria Embassy ba ki dang don hangne bad haba ki la dep ban pyndep ia ka jingshah set phatok ba ki lah ban phah noh ia ki sha ka Ri jong ki ynda la kut ka khlam Covid-19.”
“Hynrei ki khlem pyntip eiei ia ngi bad haduh mynta ngim don ka no kano ka jingtip ia ki nongshong shnong ka Ri Nigeria ba ki im kumno ki sah kumno la ki la dep ne em ka jingshah set phatok jong ki hangne haduh mynta ha Jowai Jail ki don haduh 6 ngut ki nong Nigeria ki ba la shah set phatok ki ba kynthup ia ki 4 ngut ki shynrang bad 2 ngut ki kynthei bad ki ne ki dang don hapdeng ka jingshah bishar ynda ki la dep ka kane ka Case ki la dei ban phah noh ia ki sha ka Ri jong ki. U la iathuh ruh ba kat kum ka jingtip ba u ioh, ki don 12 ngut ki nong Nigeria ki ba shah set phatok ha kane ka jylla bad na kine ha Shillong jail ki nong Nigeria kiba la shah set phatok ki don haduh 6 ngut bad kine baroh ki dei ki shynrang bad 6 ngut ki shah set phatok ha Jowai jail kiba kynthup ia ki 2 ngut ki kynthei bad 4 ngut ki shynrang bad lashai ynda un leit ban ia kynduh ia ki, yn sa tip thikna ba katno ngut ki nong Nigeria ki don ha phatok ha kane ka jylla.
Phi don ban ong eiei?