Rupang

Rupang

Khasi Daily Newspaper

  • Home
  • Khubor
  • Thylliej Khlem Shyieng
  • Wad Paralok Bad Wad Shyiengkrung
  • Jingpyntip
  • Archives
  • Contact
  • About

Lah ban phah sangeh ka UDP, ia ka rai ban iakhun pyrshah ia u Conrad

July 14, 2018   Khubor

WhatsApp
Share
Tweet
+1
Share
0 Shares

Shillong: Ka UDP sengkmie ka la don hapdeng ka jingbym sngew tynnad ia ka rai ki nongialam seng na Garo Hills ban buh kyrtong na South Tura ban iakhun pyrshah ia u Conrad K Sangma uba long ruh u Myntri Rangbah ka jylla.
Hynnin ka sngi, ka UDP Garo Hills, ka la rai ba kan buh kyrtong ban iakhun ia ka elekshon shiteng samoi na South Tura.
Hynrei haba iakren bad ki katto katne ki nongialam ka UDP sengkmie, ki la pynpaw ba kim sngew tynnad ia kane ka rai ka party na rilum Garo ban iakhun pyrshah ia u Conrad.
“Kato ka dei ka rai jong ka party na Garo Hills hynrei na ka liang ka seng kmie, kam pat iakren ia kane ka kam”, la ong uwei na ki nongialam ka UDP bym kwah ban pynpaw kyrteng.
La iathuh ruh ba na ka liang ka UDP, kam da kwah ban buh kyrtong na South Tura, ban iakhun pyrshah ia u Conrad, namar ba u dei u nongialam ia ka sorkar bad lada long kaba lah, kin shu kyrshan beit ia u kyrtong ka NPP.
Ka tyllong khubor na ka UDP sengkmie, ka la ong ruh ba ka seng, kam pat ioh ia kano kano ka jingthoh na ka tnad na Garo Hills, hynrei la iohi lyngba ki lad pathai khubor bad ynda ka la poi, ka party kan sa iakren ia kane ka kam.
Ka UDP na Garo Hills, ka la rai ban iakhun ia ka elekshon la shim ha ka jingialang kaba long hynnin ka sngi ha ingsah u President ka UDP Garo Hills u BG Momin.
Ka UDP ka dei ka party kaba don lang ha kane ka sorkar ba ialam da ka NPP nalor ka BJP, HSPDP, NCP, nalor kiwei ki MLA shimet.
Ka South Tura ka la sah thylli hadien ba ka MLA ka NPP ka Agatha Sangma ka la iehnoh ia ka jinglong MLA ban ailad ia u para jongka, u Conrad ban iakhun ia ka elekshon khnang ba lada un jop, un bteng ban ialam ia ka sorkar.
Lah ban kdew ba ka UDP ka la rai ruh ban pyniakhun na ka bynta ka elekshon shiteng samoi na Ranikor hadien ba la iehnoh kam MLA u Martin M Danggo. Ka la ai daw ba ka jingiakhun na Ranikor ka dei halor ka nongrim ba ka jinglong jingman kaba iapher na kawei ka jaka sha kawei kumba ka jia ia ka elekshon shiteng samoi na Ampati, ha kaba la shu kyrshan ia u kyrtong ka NPP u Clement Momin.
Wat la ka seng, kam pat pynbna ia u kyrtong, hynrei u President ka UDP u Dr Donkupar Roy u la ong kham mynshwa, ba ka UDP kan pyniakhun beit da u Bah Pius Marwein uba la shah rem tang khyndiat vote ha kane ka elekshon ba dang shu dep.

Subscribe To Our Newsletter

Subscribe to our Newsletter and get an update in your Inbox Daily.

News You May Interested

Stay Connected

  • Facebook
  • Phone
  • YouTube

Jingpyntip »»

  • BAN DIE KYRKIEH   
  • Wad Paralok & Wad Shyiengkrung
  • Ha ki nongpule jong U Rupang & uRupang.com

Ki Jingiatainia

  • Daiaineh Paliar on Ki Ishu Elekshon MDC 2019Lah dei ban pynmih iaka aiñ kynthih diengkper, ban…
  • Avinia on Pynsangeh noh ia ka dorbar Rajya Sabbha, ba mih ka jing kulmar, kan ia kynduh biang lashai ka sngiYm myntoi shuh ban jied mla ne mdc namar bun sa ta…
  • Teishmilan wahlang on Ki Ishu Elekshon MDC 2019Ka jing kawang ktieh i wei ia iwei pat khnang ban…
  • Lotipson on Ki Ishu Elekshon MDC 2019Ha GHADC ki Garo ki Jied ia party lajong namar ki…
  • Shanbor Mynsong on Ka jingpynbeit thymmai ia ka 6th Schedule kan kham ma ban ia ka CAB: CongressI want to give the inspiration to take good thinki…

Thylliej Khlem Shyieng

Thylliej Khlem Shyieng Archive»
Rupang © 2019 All Right Reserve
  • Contact
  • About Rupang