Shillong: Ka Union Public Service Commission (UPSC), ka la jied ia lai tylli ki kyrteng, na ka bynta ban thung Director General of Police (DGP) ha Meghalaya bad kawei ka kyrteng, ka dei ka jong U RP Agarwal, uba lah ban shimti shen kum U DGP ba pura jong ka Meghalaya.
Kham mynshwa U R Awasthi, ula shongthait noh, ha ka 30tarik Nailur 2018 na katei ka kam bad la thung shipor ia U Agarwal ba un peit ia katei ka kam, nalor kaba ula bat lypa kum u khlieh jong ka Prisons Department.
La iathuh ba U Y Tresing, Chief Secretary ka Meghalaya, ula shong jingialang ha ka Lah Sngi U Blei ha Delhi bad ha katei ka jing ia kynduh, ki la mih lai tylli ki kyrteng.
Na ka liang jong ka Supreme Court, ka la rai dang shen, ba ka kam ban thung ia ki DGP ha ka Jylla, dei ban ia syllok bad ka UPSC bad ba ka sorkar Jylla, kam lah ban shu thung da ki DGP ba shipor.