Lap ka tnat Wildlife ia u Hati khlaw ba iap ha khlaw 14mer

Nongpoh, 15 Iaiong: Ki briew jong ka tnat Wildlife, ki la lap uwei u Hati uba la iap hapoh kawei ka khlaw kaba don hapoh ka shnong 14mer, Ri Bhoi bad halor katei ka jingiap u Hati khlaw, la suba jur ba u lah ban iap na ka jingshah bat ha ka bording Ilektrik.


Haba iadei bad katei ka jingiap u Hati khlaw ba la heh, ki briew na ka tnat Wildlife, ia kaba la ialam da u Bah Leening Wahlang, Range Forest Officer ka tnat Wildlife, ki la hiar ban leit jurip sha katei ka khlaw bad la lap shisha ba utei u Hati khlaw u la iap ha katei ka khlaw.


Halor ka jingiap jong utei u Hati khlaw, na ka liang ki ophisar ka tnad Wildlife, ki la pynlong ia ka jingtohkit halor kane ka jingiap u Hati bad ha ka jingtohkit la suba jur ba utei u Hati khlaw, u la iap na ka jingshah bat ha u sainar jong bording ilektrik.