Shillong:Ka tnad pule puthi jong ka sorkar jylla lyngba ka Eklavya Model Residential school, ka la ban pynioh 25 tylli ki jaka ban tei ia ki skul ia kane la iathuh da u Myntri ba dei peit ia ka tnad pule puthi u Bah Lahkmen Rymbui.
U Bah Lakmen u la iathuh ki skul ki dei kiba la mang na ka sorkar pdeng lyngba ka Ministry Tribal Affair bad ka jingthmu jong kine ki skul ka long ban iarap ban kyntiew ia ki riewlum ha ka liang jong ka pule puthi ha kylleng jong ka Ri India.
Ki jylla ha ka Ri India kiba la ioh ia kine ki skul ki long 23 tylli bad ka jylla Meghalaya ka dei kawei na ki jylla kaba la ioh ia kine ki skul na ka sorkar pdeng. Kine ki skul kiba yn sa tei ka jylla Meghalaya kin long ha kylleng jong ka jylla.
Phi don ban ong eiei?