Shillong: Katkum katei ka phang ba la kdew haneng, ka Seng HNYF Southern Riwar Circle ka la ioh shibun bah ki jingujor ba ka don ka jingkhaïi beain ia u khaw sha Bangladesh, lyngba ki shnong kiba don sha thain riwar Dawki bad kita ki long lyngba ka Lyngkhat,Pyrdiwah,Dawki Bakur, Riahjalong, shnong Dhar ter ter shaduh Muktapur.
Kane ka jingeh kine ki nongkhaïi ka long kaba beain haduh katta katta ia kum kine ki jait marbam kum u khaw, shini,piat, dal, namar ba kine ki long ki marbam, kiba lada leh kumne kan ktah shibun ia u duk u rangli, u tnup u trap.
Halor kane ka kam khaïi beain ka Parliament ka Ri India ka ju pass ia ki Ain ban pynshitom tyngeh ia uno uno uba khaïi beain ia kum kind ki jait marbam.
Ka Seng HNYF kaba ju trei na ka bynta bha ka miat u ba bun ba lang kam lah satia ban shu sngap lane peitkai ia kane ka kam iap kam im jong u paitbah bad khnang ban lait shah ktah u duk u suk ka Seng ka maham tyngeh ba ki dei ban sangeh noh mardor ia kane ka kam beain jong ki lymda kumta ka seng kan sa shim da kiwei pat ki sien jam, ong ka kyrwoh na U Bah Tarson Lymba, President HNYF bad U bah Lasi Lamin, General Secretary HNYF Southern Riwar Circle, Dawki.
Phi don ban ong eiei?