U nongniah jong kawei ka trok kit dewbilat kaba don ia u number AS-01-SC-8313, u la mynsaw bad kata ka dei hadien ba ka kali kaba u niah, ka la kylla hapdeng ka surok ha surokbah NH-6 bad kaba hap ha shnong Mawtnum, Ri Bhoi.
Katei ka jingjia, ka la jia mynta ka janmiet ha ka por 5 baje duna eiei, ha kaba katei ka trok kit dewbilat ka dei kaba don ha ka lynti ban hiar sha Guwahati, hynrei haba la poi ha katei ka jaka, ka la kylla kynsan hapdeng u Divider.
Tang mar ia tip halor katei ka jingjia ba kylla ka trok, ki Pulit pyniaid kali ka Nongpoh, ki la leit mar mar sha katei ka jaka, na bynta peit ioh don ka jingsahkut kali ne pynthut ia kiwei pat ki kali kiba iaid ba ieng hapoh ka surokbah NH-6.
Ia u nongniah, uba la mynsaw ha katei ka jingjia kylla ka trok, la pynkit noh sha Civil Hospital Nongpoh, na bynta ban ioh ia ka jingsumar.
Phi don ban ong eiei?