Shillong: Ka long ka jingkyndit ban tip ba ki bar jylla ki wan poi naduh ki jaka ba jngai bah naduh Bihar, Andhra Pradesh ban ioh shong dukan bad leh kam khaiing ha thain khappud ka Meghalaya bad ka Bangladesh, jong ka thain Balat.
Ia kane la lap ka seng FKJGP South East Khasi Border Circle kaba pyllong ia ka jingkhynra mynta ka sngi 14 tarik Iaiong, 2025 hapoh ka jingialam u Samla Kyrmen Shangdiar.
Ka seng ka la pyllong ia ka jingtalasi Trading Lisence ha ki iew thain khappud jong ka thaiñ Sonatola, Nongkriah haduh ka iew Balat, East Khasi Hills District bad ka la lap ba don ki jait bynriew bym dei ki khasi kiba wan na ki wei ki jylla kila ioh ban rung ban mih laitluid sha ki thaiñ nongkyndong ban leh ia ki kam khaii pateng ban knieh iaka khaii pateng ki trai shnong.
Ka seng FKJGP ka la phah khang tala noh ia ki dukan ki bym don trading Lisence.
U President ka seng u la kyntu jur ia ki Syiem ki sordar, bad ka District council ba kin pyrkhing bha ban tehlakam ban nym ai trading Lisence ia ki bar jylla khnang ba ki trai muluk kin ym shah knieh ha ki kam ki jam. Ka la ong ba lada ki bor pyniaid kim lah ban tehlakam, ka seng kan sa shim ia kiwei pat ki synjam ban leh lada ka dang lap biang.
Ym tang ki nong India na kiwei ki jylla ki ioh long trai ha kito ki thain hynrei wat ki Garo na Bangladesh ruh ki la kylla majority hapoh ka Raid Balat -Ranikor da ka jingai jaka u Syiem Maharam.