Shillong:Ka sorkar Meghalaya, ka la pynmih mynhynnin ka sngi, ia ka jingpynbna, na ka bynta ban pyntreikam ia ka CM Care + Scheme bad katei ka dei na ka bynta jong kito kiba shem jingeh, ban shah sumar nalade, hadien ba kim lah shuh ban dang pynlut na ka Meghalaya Health Insurance Scheme (MHIS) kaba la pyntreikam na ka Pradhan Mantri Jan Arogya Yojana (PMJAY) lane ki bym shym la kynthup satia, ha kitei ki skhim kiba la don lypa mynta.
Katei ka jingpynbna mynta ka sngi, ka pyntip, ba katei ka skhim, kan treikam hapoh ka jingpeit hi jong ka tnat ka koit ka khiah ka sorkar jylla bad katei kan ai jingsumar ei, ia kito kiba la palat ia ka jinglut kaba long T.5.30lak bad khamtam ia ki jingsumar, ki bym shym la hap ha kitei ki skhim bad kiba dei ruh, na bynta ki jingpang kiba ktah jur ia u nongpang.
Ka sorkar jylla, ka la thaw ia ka Corpus Fund jong ka MHIS, kaba yn thaw da ki hospital bapher, ha kaba yn sa bei pisa pat da ka sorkar jylla. Na bynta katei ka jinglut, la aiti ha ki Deputy Commissioner, ba kin mynjur ia ka jingbei pisa kaba long T.2lak, katba U Chief Executive Officer, State Nodal Agency, u lah ban mynjur ia ka jinglut kaba haduh T.5lak bad ia katei ka jingdonkam, yn pyniaid da ka e proposal system, ha kaba yn hap ban ioh jingmynjur, na ka ophis u myntri rangbah ka jylla.
Na bynta ka jinglut jingsep, yn mynjur da ka tnat ka koit ka khiah bad ia ka bailut, yn siew beit sha ka hospital, kaba sumar ia ki nongpang.
sngew tynnad ban ioh sngew ia ka khubor ka ba bha tangba ka khubor kaba sniew pat isynei ia ka sorkar jylla ba ka kyrduh, tip lah ne em ban pyn trei kam ia ka ne ka skim ha ka jing kordit pisa ka state, Donbok kata ruh kan sa long kam shisien ka sngi