U Salman Khan, u actor ba pawnam ka Bollywood, ula shah byrngem pyniap biang sa shisien bad katei ka dei hadien shisnem, ba ki runar, ki la siat ha khmat ka iing sah jongu. Ha kane ka sien, ka jingbyrngem, ka dei kaba la phah da ka whatsapp ha ka tnat jong ka kit ka bah ha Mumbai, ha kaba la byrngem, ba ka jingpyniap ia u, kan dei da kaba ki runar, kin rung ha ka iingsah jongu lane da kaba shu pynbthei da u bom ha ka kali, kaba u shong ban leit jingleit.
Ki pulit, ki la ai ejahar halor katei ka jingshah byrngem jong U Salman ha ka thanat pulit ha Worli bad mynta ki bor pulit, ki dang tohkit ban pynshisha kham bha ia katei ka khubor.
U Salman, ula shah byrngem pyniap la bun bunsien, na ka kynhun jong U Lawrence Bishnoi bad ka daw jong ka jingshah byrngem pyniap jongu, ka dei namar ba u pyniap ia kawei ka skei, ha u snem 1998, namar ba katei ka dei ka mrad, kaba ka jaitbynriew Bishnoi, ka mane blei ia ka.
Ha u snem 2024, U Khan, ula shah byrngem ha ka kynhun ki Bishnoi, ba u dei ban leit duwai ha ka temple lane ba un panmap paidbah, halor katei ka jingpyniap jongu ia katei ka skei bad ba un siew T.5klur. Ha ka 30tarik Risaw, la byrngem biang ia U Salman, da uwei pat u briew, uba dawa, ba u dei ban siew ia u T.2klur.
Phi don ban ong eiei?