New Delhi: Ka la don ka jingpynpah siren ha ka nongbah Chandigarh bad ha Patiala, ha ka step jong ka sngi thohdieng bad ka daw ka long, ba ka don ka jingpynhap jong ki shipai India, ia ki namding kiba wan na Pakistan.
U Nishan Kumar Yadav, deputy commissioner jong ka Chandigarh, u ai jingmut ia ki paidbah, ba kin shong hapoh iing bad ba kim dei ban don shatnum iing.
Ki nongshong shnong jong ka Patiala, ruh ki la ioh ia ka jingbthah, ba ki dei ban don ha la ki jong ki kamra jongki bad la khang ruh ia ki skul ha katei ka nongbah, haduh ban da pynbeit da kumwei pat.
Ha Punjab, ka sorkar jylla, ka la khang ia ki skul, na ka bynta kine ki lai sngi ki ban wan bad la khang ia ki pulit, ba kin shim shuti ha kine ki sngi.
Phi don ban ong eiei?