Shillong: U Superitendent of Police ka East Khasi Hills u Davies N Marak u la iathuh ba la pyndonkam haduh palat shi hajar tylli ki tyndong ki lyer pynsat khmat kiba la pyndonkam ban siat pynpra ia ki paidbah kiba ia lum ha ki thaiñ Motphran. U la ong ba ki la don ruh palat spah ngut ki pulit kiba la mynsaw ha katei ka jingiakhih namar ka jingshah kawang maw ha ki paidbah bad ka jingshah siat da ki jri siat sim. Lah ruh ban kdew ba ki la don bun bah ki riew paidbah kiba la mynsaw ha katei ka jingiakhih kaba la neh san sngi san miet.
